FolkOrg søkjer lokal arrangør av Landskappleiken 2026. Søknadsfristen er 27.oktober.
FolkOrg søkjer lokal arrangør for Landskappleiken i 2026!
Det er behov for at både nye og tidlegare arrangørar søkjer om å arrangere Landskappleiken.
Å skipe til store arrangement kan vere både spennande og inspirerande. Det kan styrke fellesskapet, nye medlemmer blir rekruttert gjennom dugnadsjobbing, og det kan gi økonomiske musklar til å drive godt og aktivt lagsarbeid.
Under finn du oversikt over kor dei kommande arrangementa skal vere:
Landsfestivalen i gammaldansmusikk:
2023 – Førde. Arrangør er Indre Sunnfjord spelemannslag.
2024 – Vestnes. Arrangør er Møre og Romsdal folkemusikklag.
2025 – Oppdal. Arrangør er Oppdal Spell- og dansarlag.
2026 – Vågå. Arrangør er Vågå Trekkspelklubb.
Landskappleiken:
2023 – Lom. Arrangør er Lom spel- og dansarlag.
2024 – Gol. Arrangørar er Gol spel og dansarlag.
2025 – Eidfjord. Arrangør er Hardanger spelemannslag
Kva må til?
Landskappleiken:
- Tidspunkt: veke 26
- Helst 3 arenaer i rett storleik i nær avstand (inntil 1 km i mellom)
- Hovudarena med om lag denne kapasiteten: 1200 sitteplassar. Arena nummer 2 må ha plass til minimum 300 sitteplassar. Arena 3 kan vere mindre enn arena 2.
- ca. 20-25 øvingsrom (skule i nærleiken av arena). I tillegg skal det vere 2-3 finstemmingsrom tilgjengeleg nær scena.
- Overnattingstilbod i ulike prisklassar: gjerne hotell, camping, motell, privat innkvartering, skuleovernatting
Søknaden må innehalde følgande punkt:
- Informasjon om laget eller laga som står bak søknaden.
- Bakgrunnen for søknaden.
- Gjer greie for overnattingskapasitet, tevlingsarenaer med øvingsrom og bemannings- og dugnadskapasitet.
- Det må leggast ved eit styrevedtak som er gjort i søkjarlaget/søkjarlaga angåande å søke om arrangementet, med underskrift av styreleiaren.
Søknader som dokumenterer at kommune og næringsliv stiller seg bak søknaden, og at dei blir aktive, gode støttespelarar økonomisk og/eller på anna vis, vert prioriterte.
Søknadsfristen er 27.oktober.
Interesserte kan på førehand ta kontakt med FolkOrg sentralt for meir informasjon.
Søknad kan sendast på e-post til sina@folkorg.no eller i posten til:
FolkOrg v/ Sina Myhr
Møllergata 39
0179 Oslo
Foto: Thomas Westling