I høve FolkOrg sitt jubileumsår og interne rokkeringar treng vi å styrke staben med ein prosjekt- og kommunikasjonsmedarbeidar i 100 % stilling fram til mars 2024.
Prosjekt- og kommunikasjonsmedarbeidar 100 % stilling
FolkOrg – Organisasjon for folkemusikk og folkedans – har som føremål å arbeide for folkemusikken og folkedansen i Noreg ved å styrke deira rolle og vilkår i samfunnet, og med det fremje både kulturarv og god folkehelse.
Organisasjonen har i dag om lag 4400 medlemmer, 165 lokal- og regionlag og arrangørar/festivalar. Blant våre medlemmer finst både profesjonelle musikarar og dansarar, amatørar, spel- og dansarlag, arrangørar, instrumentmakarar og pedagogar. Vi har dei faste arrangementa Landskappleiken, Landsfestivalen i gammaldansmusikk og Folkelarm. I 2023 feirar vi at det er 100 år sidan Landslaget for spelemenn (ein av dei to organisasjonane som vart FolkOrg) vart stifta, og i høve det har vi fleire andre arrangement.
Arbeidsoppgåvene vil vere varierte innan organisasjonsarbeid, informasjonsarbeid og prosjektarbeid i samarbeid med resten av dei tilsette i administrasjonen.
Vi søker deg som:
- Har god kompetanse på kommunikasjon og sosiale media.
- Relevant høgare utdanning er ein fordel.
- Skriv godt både på bokmål, nynorsk og engelsk.
- Er strukturert, ryddig og effektiv.
- Ikkje er redd for å ta i eit tak.
- Har stor arbeidskapasitet og evne til å arbeide med fleire prosjekt samtidig.
- Er god på samarbeid.
- Har erfaring frå kulturarrangement, anten som tilsett eller frivillig.
- Gjerne kjenner til folkemusikk- og folkedansmiljøet i Noreg.
- Er omgjengeleg og har gode kommunikasjonsevner
- Gjerne har kunnskap om fotografering og redigering av bilete.
Praktisk informasjon:
- Du må vere budd på å arbeide helger og kveldar i periodar, spesielt i samband med arrangementa våre.
- Arbeidsstad: FolkOrg har kontor i Møllergata 39 i Oslo. Løn etter avtale. Den tilsette vil bli innlemma i organisasjonen sin pensjonsavtale. Næraste overordna er dagleg leiar.
- Varigheit: frå så snart som mogleg til mars 2024.
- Søknadsfrist: 8. mars 2023
For spørsmål om stillinga, ta kontakt med dagleg leiar Linda Dyrnes på telefon 48 10 50 75 eller e-post: linda@folkorg.no
Søknad med CV sendast til: linda@folkorg.no
