Til neste år er det Møre og Romsdal Folkemusikklag sin tur til å arrangere Landsfestivalen i gammaldansmusikk, og Gol spel- og dansarlag til å arrangere Landskappleiken.

Gol spel- og dansarlag og Ål spel- og dansarlag fekk tildelt Landskappleiken for 2024. Det er no bestemt at Gol spel- og dansarlag åleine er hovudarrangør, og skal arrangere Landskappleiken på Gol neste år. Førre gong Landskappleiken vart arrangert på Gol var i 1972, og førre gong Landskappleiken vart arrangert i Hallingdal var på Gjeilo i 2014.

Datoene for Landskappleiken er 26. – 30.juni 2024.

Møre og Romsdal Folkemusikklag fekk i 2020 tildelt Landsfestivalen for 2024. Landsfestivalen var planlagt å finne stad på Åndalsnes. Sidan då har det skjedd endringar som gjer at folkemusikklaget no har bytt arrangørstad til Vestnes. Dette er fyrste gongen Landsfestivalen blir arrangert i Vestnes. Førre gong Landsfestivalen i gammaldansmusikk vart arrangert i Møre og Romsdal var i Ålesund i 1998, og førre Landskappleik var i Molde i 1966.

Datoene for Landsfestivalen er 31.juli – 4.august 2024.

I dei kommande åra finn arrangementa stad på følgjande plassar:

Landsfestivalen i gammaldansmusikk:

2023 – Førde. Arrangør er Indre Sunnfjord spelemannslag.
2024 – Vestnes. Arrangør er Møre og Romsdal folkemusikklag.

Landskappleiken:

2023 – Lom. Arrangør er Lom spel- og dansarlag.
2024 – Gol. Arrangørar er Gol spel- og dansarlag.
2025 – Eidfjord. Arrangør er Hardanger spelemannslag.