Ingebjørg Bratheim Bø og Ola Narverud vann kampen om Kongepokalen i 2017!

Kongepokalvinnarar frå Telemark og Buskerud

Ingebjørg Bratheim Bø (Bø dansarring) og Ola Narverud (Småjondølenes dansarlag) gjekk av med sigeren i dans hardingfele klasse A, og vann med det Kongepokalen under Landskappleiken på Røros i 2017.

Kongepokalen vart delt ut under meisterkonserten på Landskappleiken på Røros. Bratheim Bø og Narverud har ikkje vunne klassa tidlegare, men leverte ein fantastisk finaledans laurdag kveld. I finala kniva dei med Tone Voldhaug og Stian Roland som kom på andreplass og Ingunn Stræte Lie og Ulf-Arne Johannessen som kom på tredjeplass.

Sist kongepokalen vart delt ut i dans hardingfele var på Geilo i 2009. Då vann Ulf Arne Johannesen og Ingunn Stræte Lie. Tidlegare vinnarar av kongepokalen i dans hardingfele er Ami og Håkon Dregelid, Gunnlaug Lien Myhr og Håkon Tveito, og Hilde Bjørkum og Vidar Underseth.

Resultat etter finala i dans hardingfele klasse A:

1. Ingebjørg Bratheim Bø, Ola Narverud – Bø Dansarring, Småjondølenes dansarlag

2. Stian Johan Roland, Tone Voldhaug – Øystre Slidre Spel- og dansarlag

3. Ulf-Arne Johannessen, Ingunn Stræte Lie – Ål spel- og dansarlag

I denne spelelista på FolkOrg sin YouTube kan du sjå dansen til dei tre para samt andre videosnuttar frå Landskappleiken 2017!

 

Ingebjørg Bratheim Bø (Bø dansarring) og Ola Narverud (Småjondølenes dansarlag) gjekk av med sigeren i dans hardingfele klasse A, og vann med det Kongepokalen under Landskappleiken på Røros i 2017.

Foto: Runhild Heggem